Búgin, 26-avgust kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın ekinshi hám onnan keyingi joqarı bilimlendiriw baǵdarlarına qabıllaw ushın imtixanlar baslandı.

Imtixanlar bakalavriat tálim baǵdarınıń ózgesheliklerine qaray test hám kásiplik (dóretiwshilik) imtixan formasında ótkeriliwi belgilengen.

Kiriw imtixanlarınıń ádil hám ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi qánigeleri tárepinen qadaǵalawǵa alınǵan.

Maǵlıwmat ushın, ekinshi hám onnan keyingi joqarı bilimlendiriw baǵdarlarına qabıllaw ushın imtixanlar 27-avgustqa shekem dawam etedi.

Eskertiw: Abiturientler imtixanlarǵa ózleri menen puqaralıq pasportı (ID-kartası)n alıp keliwi shárt. Belgilengen waqıttan keshikken abiturientler imtixanǵa kirgizilmeydi. Muzıkalıq tálim baǵdarı boyınsha abiturientler imtixanǵa «Saz atqarıwshılıǵı» páninen saz ásbapların ózleri menen alıp keliwi shárt. Dene mádeniyatı tálim baǵdarı boyınsha abiturientler imtixanǵa sport forması menen keliwi talap etiledi.

NMPI baspasóz xızmeti.