Xabarıńız bar, studentlerdi turaq jay menen támiyinlewde náwbetlerdiń aldın alıw, oqıw jılı baslanıwı qarsańında studentlerdiń turaq jaysız qalıwı jaǵdayların boldırmaw maqsetinde Ájiniyaz atındaǵı Nókis mámleketlik pedagogikalıq institutında 4 orında studentler turaq jayları hám ijara úyleri boyınsha maǵlıwmatlar oraylarınıń jumısları jolǵa qoyıldı.

Bul oraylarda instituttıń studentlerdi turaq jay menen támiyinlew jumısların muwapıqlastırıw bóliminiń qánigeleri, tyutorlar, volontyor jaslar menen birgelikte profilaktikalıq inspektorlar hám «Qalqan» toparınıń aǵzaları tárepinen turaq jayǵa mútáj bolǵan studentlerdi jataqxana hám ijara úyleri menen támiyinlew boyınsha ámeliy járdem berilmekte.

Sonıń ishinde, profilaktikalıq inspektorlar hám «Qalqan» toparınıń aǵzaları jańa oqıw jılı qarsańında institut hám onıń átirapında jámiyetlik tártipti támiyinlew baǵdarında ámeliy jumıslardı alıp barmaqta.

NMPI baspasóz xızmeti.