Búgin, 27-avgust kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın ekinshi hám onnan keyingi joqarı bilimlendiriw baǵdarlarına qabıllaw ushın imtixanlardıń ekinshi kúni bolıp ótti.

Imtixanlar bakalavriat tálim baǵdarlarınıń ózgesheliklerine qaray test hám kásiplik (dóretiwshilik) imtixan formasında ótkerildi.

Kiriw imtixanlarınıń ádil hám ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi qánigeleri tárepinen qadaǵalawǵa alındı.

Maǵlıwmat ornında atap ótiw kerek, imtixan nátiyjeleri tiyisli qánigeler tárepinen tekserip bolınǵannan soń institut rásmiy veb-saytında járiyalanadı.

NMPI baspasóz xızmeti.