Ózbekstan Respublikası mámleketlik ǵárezsizliginiń otız úsh jıllıǵı múnásibeti menen Respublikalıq Ruwxıylıq hám aǵartıwshılıq orayı tárepinen elimizde ruwxıy-aǵartıwshılıq jumısların ámelge asırǵan, joqarı sociallıq-mánawiy ortalıqtı qáliplestiriw baǵdarında pidayılıq penen miynet etken jáne joqarı nátiyjelerge erisken, sonday-aq, jas áwladtı Watanǵa muhabbat hám sadıqlıq, milliy jáne ulıwma insanıy qádiriyatlarǵa húrmet ruwxında tárbiyalaw baǵdarındaǵı kópke órnek bolatuǵın xızmetleri jáne jámiyetlik jumıslardaǵı belsendiligi ushın Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Ayitbaevich Qodirov, sonıń menen birge, milliy ideya, ruwxıylıq tiykarları hám huqıq tálimi kafedrasınıń baslıǵı, docent Erkinbay Muratbaevich Tilewov «Mánawiyat pidayısı» kókirek belgisi menen sıylıqlandı.

Kókirek belgisi Qaraqalpaqstan Respublikası Joqarǵı Keńesiniń komitet baslıǵı Tájibay Romanov tárepinen tapsırıldı.

Institut miynet jámááti atınan Quvondiq Ayitbaevich hám Erkinbay Muratbaevichti shın júrekten qutlıqlay otırıp, aldaǵı jumıslarında tabıslar tileymiz!

NMPI baspasóz xızmeti.