Ájiniyaz atındaǵı Nókis mámleketlik pedagogikalıq institutında Ózbekstan Respublikası mámleketlik ǵárezsizliginiń 33 jıllıq bayramı hám jaqınlasıp kiyatırǵan jańa oqıw jılı – Bilimler kúni aldınan institutta jumıs isleytuǵın texnikalıq taraw xızmetkerleriniń perzentleri ushın institut rektoratı hám kásiplik awqamı komiteti tárepinen oqıw qurallarınan ibarat bolǵan bayram sawǵaları tapsırıldı.

Bayram sawǵaları balalar hám olardıń ata-analarına bir dúnya quwanısh baǵıshladı.

Óz gezeginde, texnikalıq taraw xızmetkerleri sózge shıǵıp, institut rektoratı hám kásiplik awqamı komitetine minnetdarshılıq bildirdi.

NMPI baspasóz xızmeti.