Búgin, 4-sentyabr kúni Ájiniyaz atındaǵı Nókis mámleketlik pedagogikalıq institutı akademiyalıq liceyinde jańa oqıw jılınıń baslanıwına baǵıshlanǵan saltanatlı bolıp ótti.

Ilajǵa licey jámááti, oqıtıwshılar, oqıwshı-jaslar, ata-analar, keń jámiyetshilik hám ǵalaba xabar quralları wákilleri qatnastı.

Saltanatlı máresimde licey direktorı Q.Qalxorazov sózge shıǵıp, bayram qatnasıwshıların mámleketimiz ǵárezsizliginiń 33 jıllıǵı hám jańa oqıw jılınıń baslanıwı menen qutlıqladı.

Liceyde jańa oqıw jılınıń dáslepki kúni Ózbekstan Respublikası ǵárezsizliginiń 33 jıllıǵı múnásibeti menen «Bir bolsaq – bir xalıqpız, birlessek – Watanbız!» súreni tiykarında Ǵárezsizlik sabaqları menen baslandı.

Akademiyalıq liceydiń májilisler zalında licey direktorı Q.Qalxorazov hám tariyx páni oqıtıwshısı M.Mamutovlar oqıwshılarǵa elimizde sońǵı jılları ámelge asırılıp atırǵan keń kólemli reformalar hám olardıń ámeliy nátiyjeleri, Prezidentimizdiń bilimlendiriw tarawına qaratıp atırǵan dıqqat-itibarı hám jaslarǵa jaratılıp atırǵan sharayatlar haqqında maǵlıwmatlar berdi.

NMPI baspasóz xızmeti.