Búgin, 7-sentyabr kúni Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov Ájiniyaz atındaǵı Nókis mámleketlik pedagogikalıq institutına keldi.

Institut basshı xızmetkerleri hám professor-oqıtıwshılar menen bolıp ótken ushırasıwda mámleketimizde joqarı bilimlendiriwge qaratılıp atırǵan itibar, tarawda ámelge asırılıp atırǵan reformalardıń nátiyjeleri boyınsha pikir almasıldı, sonday-aq, jańa oqıw jılına tayarlıqlardıń sońǵı basqıshı, ilimiy-pedagogikalıq baǵdarda ámelge asırılatuǵın jumıslar keń túrde dodalandı.

Ushırasıwda ministr professor-oqıtıwshılardıń ilimiy-izertlew jumısların bunnan bılay da jetilistiriw, olardıń nátiyjelerin ámeliyatqa engiziw, ilimiy-innovaciyalıq joybarlar islep shıǵıw boyınsha pikir hám usınısların tıńladı.

Ushırasıw sońında jańa oqıw jılı dawamında tarawda nátiyjelilikti arttırıw baǵdarında ámelge asırılatuǵın jumıslar belgilep alınıp, juwapkerlerge tiyisli tapsırmalar berildi.

NMPI baspasóz xızmeti.