Búgin, 7-sentyabr kúni Ájiniyaz atındaǵı Nókis mámleketlik pedagogikalıq institutı kafedralarına assistent-oqıtıwshı hám stajyor-oqıtıwshılıqqa talabanlardı jumısqa qabıllaw ushın talabanlar qatnasıwında sáwbet bolıp ótti.

Sáwbet procesine institut rektorı wazıypasın waqıtsha atqarıwshısı Quvondiq Qodirov, prorektorlar, kafedra baslıqları hám tiyisli juwapkerler qatnasıp, talabanlardıń bilimi, kónlikpeleri, tájiriybesi, sonday-aq, aldaǵı jobaları boyınsha pikir almasıp, olardı belgilengen kriteriyalar tiykarında saylap aldı.

Sáwbet barısında talabanlardıń óz qánigelikleri boyınsha ámelge asırǵan jumısları, ilimiy izleniwleri menen shet tillerin biliw dárejesi, kreativ hám zamanagóy pikirlewi, jaslar menen islese alıw qábileti, aldaǵı belgilegen wazıypalardı ámelge asırıw mexanizmlerine de ayrıqsha dıqqat awdarıldı.

NMPI baspasóz xızmeti.