Usı jıldıń 14-16-sentyabr kúnleri Qońırat rayonı aymaǵındaǵı Barsakelmes duz káninde xalıqaralıq eko-marafon bolıp ótti.

Aral ekologiyalıq apatshılıǵına dúnya xalıqlarınıń dıqqat-itibarın qaratıw maqsetinde shólkemlestirilgen marafonǵa birqatar sırt mámleketlerden hám respublikamızdan kóplegen sportshılar jáne háweskerler qatnastı.

Solar qatarında Ájiniyaz atındaǵı Nókis mámleketlik pedagogikalıq institutınıń sportshı student-jaslarınan quralǵan delegaciya aǵzaları da xalıqaralıq eko-marafonda óz imkaniyatların sınaqtan ótkerdi.

Quwanıshlısı, 5 000 metr aralıqqa juwırıw boyınsha ótkerilgen jarısta Dene mádeniyatı fakultetiniń 3-kurs studenti Dildora Ashirbaeva sıylı 2-orındı iyeledi hám shólkemlestiriwshiler tárepinen 1 000 000 sum qarjılay sıylıqlandı.

Institut delegaciyasına sport klubı baslıǵınıń orınbasarı Miralım Allanazarov basshılıq etti.

NMPI baspasóz xızmeti.