🔰 Ózbekstan Respublikası Prezidentiniń 2022-jıl 31-avgusttaǵı PF–213-sanlı Pármanında qaraqalpaqstanlı jaslar ushın qosımsha kvota ajıratılıwı belgilengen.

✅ Usı Pármannıń orınlanıwı boyınsha Mámleketlik komissiyanıń gezektegi protokolı menen qaraqalpaqstanlı jaslar ushın rayonlar kesiminde tarawlar boyınsha joqarı maǵlıwmatlı kadrlarǵa bolǵan zárúrlikti esapqa ala otırıp, bakalavriat tálim baǵdarlarına bazalıq tólemli kontrakt tiykarında 10 000 qosımsha qabıllaw parametri tastıyıqlandı. Bunda ajıratılǵan qabıllaw parametrleriniń:

🔸 Tashkent qalasındaǵı JOO hám bakalavriat tálim baǵdarları kesimindegi bólistiriliwi;

🔸 Qaraqalpaqstan Respublikasındaǵı JOO hám bakalavriat tálim baǵdarları kesimindegi bólistiriliwi;

🔸 wálayatlardaǵı JOO hám bakalavriat tálim baǵdarları kesimindegi bólistiriliwi tastıyıqlandı.

✅ 10 000 qosımsha qabıllaw parametri – kiriw imtixanlarında 56,7 ball hám onnan joqarı ball toplaǵan, biraq studentlikke usınıs etilmegen abiturientler esabınan qáliplestirildi.

👨🏻‍💻 Qosımsha qabıllaw parametrleri sheńberinde studentlikke usınıs etilgen qaraqalpaqstanlı jaslar usınıs etiliw jaǵdayın my.uzbmb.uz saytı arqalı jeke kabinetinen biliwi múmkin.

📋 Sonday-aq, joqarı oqıw orınlarına tańlaw nátiyjeleri jetkeriledi, – dep xabar berdi Bilim hám mamanlıqtı bahalaw agentligi.

©️NMPI baspasóz xızmeti.