Búgin, 17-sentyabr kúni qaraqalpaq klassik ádebiyatınıń kórnekli wákili Ájiniyaz Qosıbay ulınıń 200 jıllıǵı hám Ájiniyaz atındaǵı Nókis mámleketlik pedagogikalıq institutı shólkemlestirilgeniniń 90 jıllıǵı múnásibeti menen fakultetler arasında mini futbol boyınsha jarısqa start berildi.

Jarısta barlıq fakultetlerdiń er studentlerinen quralǵan komandalar jeńimpazlıq ushın óz ara kúsh sınasadı.

Maqset – student-jaslardıń bos waqtın mazmunlı ótkeriw hám salamat turmıs tárizin úgit-násiyatlaw bolıp esaplanadı.

Jarıs 18-sentyabr kúnine shekem dawam etedi.

Jeńimpaz komanda institut rektoratı hám sport klubı tárepinen kubok hám estelik sawǵaları menen sıylıqlanadı.

NMPI baspasóz xızmeti.