Student-jaslardıń bos waqıtların mazmunlı ótkeriw, olardı milliy qádiriyatlar hám úrp-ádetlerimizge húrmet ruwxında tárbiyalaw hám qábiletli jaslardı xoshametlew maqsetinde usı jıldıń 19-sentyabr kúni Ájiniyaz atındaǵı Nókis mámleketlik pedagogikalıq institutı 1-sanlı studentler turaq jayında aspazlıq sheberligi boyınsha tańlaw ótkeriletuǵınlıǵın daǵazalaymız.

🍽Tańlawda qatnasıwshı studentler milliy taǵamımız esaplanǵan palaw tayarlaw boyınsha ózleriniń aspazlıq sheberliklerin kórsetiwi talap etiledi.

Tańlaw jeńimpazları hám sıylı orın iyeleri shólkemlestiriwshiler tárepinen xoshametlenedi.

Tańlawda qatnasıwdı qálewshi studentler institut 1-sanlı studentler turaq jayınıń pedagog-tárbiyashısı Muhabbat Abdimuratovaǵa múrájat etiwi soraladı.

📍Tańlaw ótkeriletuǵın orın: NMPI 1-sanlı studentler turaq jayı;
⏰Waqtı: 2024-jıl 19-sentyabr, saat 15:00.

©️NMPI baspasóz xızmeti.