Usı jıldıń 27-sentyabr kúni Qazaqstan Respublikasınıń Astana qalasında «AQYL BATTLE CUP-2024» xalıqaralıq intellektual jarısı bolıp ótti.

Jarısqa Ózbekstan hám Qazaqstan Respublikalarındaǵı eń aldınǵı intellektual klublardıń aǵzaları qatnastı hám óz bilimlerin, logikalıq oylaw dárejesin sınaqtan ótkerdi.

Áhmiyetlisi, xalıqaralıq jarısqa Ájiniyaz atındaǵı Nókis mámleketlik pedagogikalıq institutı studentleri Orınbasar Paxratdinov hám Atabek Turǵanbaev, sonday-aq, institut pitkeriwshisi Azizbek Ayapbergenovlardan ibarat «Ziyalı jaslar» intellektual klubı da qatnasıp, joqarı nátiyjelerge eristi.

Maǵlıwmat ornında atap ótiw kerek, Ózbekstan Respublikası Prezidentiniń «Zakovat» intellektual oyının xalqımız arasında ǵalabalıq-aǵartıwshılıq háreketke aylandırıw hám basqa intellektual oyınlardı rawajlandırıwǵa baylanıslı ilajlar haqqında»ǵı qararında belgilengen wazıypalardan kelip shıǵıp institutta nátiyjeli jumıslar alıp barılmaqta.

NMPI baspasóz xızmeti.