Ózbekstan Respublikası Joqarı bilimlendiriw, ilim hám innovaciyalar ministriniń 2024-jıl 24-sentyabrdegi tiyisli buyrıǵı tiykarında 1-oktyabr – Muǵallimler hám ustazlar kúni múnásibeti menen tarawda kóp jıllardan berli pidayılıq penen mámleketimizdiń rawajlanıwı jolında ayanbay xızmet etip, jaslar tálim-tárbiyasında ayrıqsha nátiyjelerge erisip kiyatırǵan Ájiniyaz atındaǵı Nókis mámleketlik pedagogikalıq institutınıń tómende atları kórsetilgen professor-oqıtıwshıları «Joqarı bilimlendiriw aǵlası» kókirek belgisi menen sıylıqlandı:

Ibragimov Bayniyaz Aytbaevich – Texnologiyalıq tálim kafedrasınıń docenti;

Mamırbaeva Dina Jaqsıbaevna – Inglis tili hám ádebiyatı kafedrasınıń docenti;

Asqarov Mamıt – Matematikanı oqıtıw metodikası kafedrasınıń docenti;

Matyakupov Sadulla Gaipovich – Ózbek ádebiyatı kafedrasınıń docenti;

Ajiev Alisher Baxtıbaevich – Botanika, ekologiya hám onı oqıtıw metodikası kafedrasınıń docenti.

Búgin, 30-sentyabr kúni institutta bolıp ótken bayram keshesinde sıylıqlanǵan professor-oqıtıwshılarǵa kókirek belgileri institut rektoratı tárepinen saltanatlı túrde tapsırıldı.

NMPI baspasóz xızmeti.