Usı jıldıń 24-27-sentyabr kúnleri Nawayı wálayatında sporttıń regbi-7 túri boyınsha jigirma jasqa shekemgi jas óspirim qızlar arasında Ózbekstan kubogi jarısı bolıp ótti.

Oǵan Ózbekstannıń barlıq wálayatları, Tashkent qalası hám Qaraqalpaqstan Respublikasınan saylandı komandalar qatnastı.

Oǵada qızǵın túrde dawam etken jarıs juwmaǵında Qaraqalpaqstan Respublikası regbi-7 saylandı komandası sıylı 3-orındı iyelep, Ózbekstan kubogi jarısınıń qola medalın qolǵa kirgizdi.

Áhmiyetlisi, respublikamız saylandı komandasınıń quramında Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń studentleri Shaxzoda Jalalova, Dinara Utemuratova, Nargiza Amangeldieva, Sevara Sabirova, Úmitay Uteshovalar múnásip qatnasıp, joqarı nátiyjege erisiwge óz úleslerin qostı.

Komandanı jarısqa trenerlerden Jetkerbay Bazarov hám Anton Mixaylov tayarladı.

NMPI baspasóz xızmeti.