1-oktyabr – Muǵallimler hám ustazlar kúni múnásibeti menen Ózbekstan bilimlendiriw hám ilim tarawı xızmetkerleri kásiplik awqamı Respublikalıq keńesi tárepinen paytaxtımız Nókis qalasında «Ustazlar kásiplik awqamınıń itibarında!» atamasındaǵı bayram ilajı shólkemlestirildi.

Ilajǵa respublikamızdaǵı barlıq mektepke shekemgi hám mektep bilimlendiriwi, joqarı oqıw orınlarınan pedagog-oqıtıwshılar, muǵallimler, tárbiyashılar, tarawda kóp jıllardan berli jemisli miynet etip kiyatırǵan pidayı qánigeler qatnastı.

Itibarlısı, bayram ilajında Ájiniyaz atındaǵı Nókis mámleketlik pedagogikalıq institutı studentler turaq jayınıń tazalıq qánigesi Sáwle apa Abatova Ózbekstan bilimlendiriw hám ilim tarawı xızmetkerleri kásiplik awqamı Respublikalıq keńesi tárepinen qımbat bahalı sawǵalar menen sıylıqlandı.

Bayram ilajına Ózbekstan bilimlendiriw hám ilim tarawı xızmetkerleri kásiplik awqamı Respublikalıq keńesi baslıǵı Ravshan Bedilov qatnasıp, ilaj qatnasıwshıların bayram menen qutlıqladı hám mashaqatlı jáne maqtanıshlı jumıslarında tabıslar tiledi.

NMPI baspasóz xızmeti.