Ájiniyaz atındaǵı Nókis mámleketlik pedagogikalıq institutınıń Ellikqala pedagogika fakultetinde qaraqalpaq klassikalıq ádebiyatınıń kórnekli wákili Ájiniyaz Qosıbay ulınıń 200 jıllıǵına arnalǵan keshe shólkemlestirildi.

Ilajǵa Ózbekstan Respublikası Oliy Majlisi Senatınıń Aralboyı regionın rawajlandırıw máseleleri hám ekologiya komiteti baslıǵınıń orınbasarı Batır Mátmuratov, Ellikqala rayonı hákimligi wákilleri, fakultet dekanatı, professor-oqıtıwshılar hám student-jaslar qatnastı.

Keshede qaraqalpaq ádebiyatı tariyxında Ájiniyaz shayırdıń dóretiwshiliginiń tutqan ornı, onıń ómiri hám shıǵarmaları haqqında bayanatlar jasaldı, sonday-aq, shayırdıń ómirine arnalǵan kórgizbe shólkemlestirildi.

Rayonnıń kórkem óner sheberleri hám fakultettiń talantlı studentleri atqarıwındaǵı kórkem-ádebiy bólim keshege ózgeshe zawıq baǵıshladı.