Ájiniyaz atındaǵı Nókis mámleketlik pedagogikalıq institutında studentler arasında denetárbiyası hám sporttı keń en jaydırıw, sport penen shuǵıllanatuǵın jaslardıń sanın arttırıw maqsetinde jeńil atletika, stol tennisi, stritbol, mini futbol hám voleybol boyınsha «Bes baslama olimpiadası» jarısı dawam etpekte.

Jarıstıń birinshi – fakultetlerde ótkerilgen basqıshında jeńimpaz bolǵan studentler ózleriniń fizikalıq imkaniyatların ekinshi basqısh – institut basqıshında sınap kórmekte.

Jarıstıń institut basqıshı jeńil atletika boyınsha jarıs penen start aldı.

Onda joqarı nátiyjelerge erisken studentler jeńimpazlar qatarınan orın aldı hám kelesi basqıshqa jollama aldı.

Jeńimpazlar hám sıylı orın iyeleri institut sport klubı tárepinen sıylıqlandı.

NMPI baspasóz xızmeti.