Ózbek tili – dúnya tilleri ishindegi eń áyyemgi hám bay tillerdiń biri bolıp, ol hám milliy ózine tánlik, hám mámleketlik ǵárezsizliktiń belgisi, hám ruwxıy qádiriyat bolıp esaplanadı.

Bunnan sarras 35 jıl burın, yaǵnıy 1989-jılı 21-oktyabr kúni «Mámleketlik til haqqında»ǵı nızam qabıl etilip, ózbek tiline mámleketlik til biyligi berilgen edi.

2019-jıldan berli Ózbekstan Respublikası Prezidentiniń «Ózbek tiliniń mámleketlik til sıpatındaǵı abıroyı hám mártebesin túp-tiykarınan arttırıw ilajları haqqında»ǵı pármanına muwapıq, respublikamızda 21-oktyabr – Ózbek tili bayramı kúni sıpatında keń túrde belgilenip kelinbekte.

Qádirli watanlaslar!

Sizlerdi búgingi bayram menen shın júrekten qutlıqlaymız. Bársheńizge bekkem densawlıq, shańaraqlıq baxıt, jumıslarıńızda úlken nátiyjeler tileymiz!

Ájiniyaz atındaǵı Nókis mámleketlik pedagogikalıq institutınıń rektoratı hám miynet jámááti.