Usı jıldıń 31-oktyabr kúni Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrında Qaraqalpaqstan Respublikasındaǵı tuńǵısh joqarı oqıw ornı Ájiniyaz atındaǵı Nókis mámleketlik pedagogikalıq institutınıń 90 jıllıǵına arnalǵan «Qaraqalpaqstandaǵı birinshi ilim-bilim dárgayına 90 jıl!» atamasındaǵı respublikalıq konferenciya hám koncert baǵdarlaması bolıp ótti.

Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, qatnasıwshılardı pedagogikalıq instituttıń shólkemlestirilgenine 90 jıl tolıwı menen qutlıqladı.

Institut jámáátine Qaraqalpaqstan Respublikası Joqarǵı Keńesi hám Ministrler Keńesi atınan jollanǵan qutlıqlawdı institutımız rektorı wazıypasın waqıtsha atqarıwshısı Quvondiq Qodirovqa saltanatlı túrde tapsırdı.

NMPI baspasóz xızmeti.