Usı jıldıń 31-oktyabr kúni Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrında Qaraqalpaqstan Respublikasındaǵı tuńǵısh joqarı oqıw ornı Ájiniyaz atındaǵı Nókis mámleketlik pedagogikalıq institutınıń 90 jıllıǵına arnalǵan «Qaraqalpaqstandaǵı birinshi ilim-bilim dárgayına 90 jıl!» atamasındaǵı respublikalıq konferenciya hám koncert baǵdarlaması bolıp ótti.

Konferenciyada Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, ilaj qatnasıwshıların pedagogikalıq instituttıń shólkemlestirilgenine 90 jıl tolıwı menen qutlıqladı hám institutta kóp jıllardan berli jemisli miynet etip, ilim, bilimlendiriw hám jaslar tárbiyasında óz wazıypaların pidayılıq penen atqarıp kiyatırǵan bir topar professor-oqıtıwshılar hám qánigelerge húrmetli ataq hám kókirek belgilerin tapsırdı.

«Qaraqalpaqstan Respublikasına miyneti sińgen jaslar ustazı» húrmetli ataǵı menen

Seytjanova Ulbosın Qudaybergenovna – Baslawısh tálim fakultetiniń dekanı, professor.

«Ardaqlı nuranıy» kókirek belgisi menen

Allamuratov Bauaddin – Zoologiya, adam morfofiziologiyası hám onı oqıtıw metodikası kafedrasınıń professorı.

Abdullaev Alisher – Informatikanı oqıtıw metodikası kafedrasınıń docenti.

Pazılov Arzı Kenjebaevich – Ulıwma pedagogika hám psixologiya kafedrasınıń professorı.

«Ibratlı hayal» kókirek belgisi menen

Bekbergenova Mariya Dosbergenovna – Qaraqalpaq ádebiyatı kafedrasınıń professorı.

Tajieva Aliya Utebaevna – Inglis tili hám ádebiyatı kafedrasınıń baslıǵı.

Allambergenova Nodira Gulmurzaevna – Ózbek ádebiyatı kafedrasınıń docenti.

«Watan pidayısı» kókirek belgisi menen

Matyakubov Baxtiyor Saparbaevich – Dene tárbiyası teoriyası hám metodikası kafedrasınıń assistent-oqıtıwshısı.

Grigorevna Marina Igorevna – Rus tili hám ádebiyatı kafedrasınıń úlken oqıtıwshısı.

Yavidov Baxram Yangibaevich – Fizikanı oqıtıw metodikası kafedrasınıń professorı.

Ripnazarov Amir Xudaynazarovich – «Tumaris» qosıq hám ayaq-oyın xalıq ansambliniń baletmeysteri.

Bekmuratov Baxtiyar Biysenbaevich – Jaslar menen islesiw, ruwxıylıq hám aǵartıwshılıq bóliminiń baslıǵı.

Instituttıń 90 jıllıǵı múnásibeti menen Qaraqalpaqstan Respublikası Joqarǵı Keńesi Prezidiumınıń qararı tiykarında sıylıqlanǵan barlıq professor-oqıtıwshılar hám qánigelerdi institut rektoratı hám miynet jámááti atınan qutlıqlaymız!

NMPI baspasóz xızmeti.