Dıqqat, tańlaw! Mırza Ulıǵbek tuwılǵanınıń 630 jıllıǵına arnalǵan eń jaqsı ilimiy maqalalar tańlawı ótkeriledi
Ózbekstan Respublikası Prezidentiniń «Ullı enciklopedist alım hám belgili mámleketlik ǵayratker Mırza Ulıǵbek tuwılǵanınıń 630 jıllıǵın keń túrde belgilew haqqında»ǵı qararı tiykarında Ájiniyaz atındaǵı Nókis mámleketlik pedagogikalıq institutında «Mırza Ulıǵbektiń ómiri hám ilimiy-aǵartıwshılıq miyrasın úyreniwge arnalǵan eń jaqsı ilimiy maqalalar» tańlawı shólkemlestirilmekte.
Tańlawdıń maqseti – respublikalıq joqarı oqıw orınlarınıń studentleri arasında Mırza Ulıǵbektiń ómiri hám dóretiwshiligin keńnen úgit-násiyatlaw, jaslarımızdı elimizdiń tariyxına hám ullı ata-babalarımızǵa bolǵan sheksiz húrmet ruwxında tárbiyalaw, watanǵa bolǵan súyispenshilik sezimlerin bunnan bılay da rawajlandırıwdan ibarat.
Tańlawǵa respublikalıq joqarı oqıw orınlarınıń studentleri qatnasıwı múmkin.
Tańlawǵa materiallar ózbek, rus, inglis tillerinde qabıllanadı.
Tańlaw eki basqıshta ótkeriledi:
1) Tańlawdıń birinshi basqıshı respublikalıq joqarı oqıw orınlarında 2024-jıldıń 5-noyabr kúnine shekem ótkeriledi, saylap alınǵan ilimiy jumıslar 10-noyabrge shekem Joqarı bilimlendiriw, ilim hám innovaciyalar ministrliginde dúzilgen Ekspertler toparına usınıladı.
2) Tańlawdıń ekinshi basqıshı 2024-jıl 1-dekabrge shekem Joqarı bilimlendiriw, ilim hám innovaciyalar ministrliginde dúzilgen Ekspertler toparı tárepinen ótkerilip, tańlawǵa usınılǵan ilimiy jumıslardı ekspertizadan ótkeriw hám materiallardı toplam kórinisinde basıp shıǵarıw ushın saylanadı. Ekspertler toparı tárepinen berilgen juwmaq tiykarında 2024-jıl 10-dekabrge shekem tańlaw jeńimpazları járiyalanadı hám sıylıqlanadı.
Tańlawǵa usınılǵan ilimiy maqalalar belgilengen kriteriyalar tiykarında 100 ballıq sistemada bahalanadı.
Eń joqarı ballǵa iye bolǵan 3 maqala avtorları 1-, 2-, 3-orınlar boyınsha jeńimpaz dep tabıladı.
Hár bir orın boyınsha tańlaw jeńimpazları (jámi 3 adam) Joqarı bilimlendiriw, ilim hám innovaciyalar ministrligi tárepinen tómendegi (dáramat salıǵı menen qosıp esaplanǵan) muǵdarda aqshalay sıylıq hám sertifikatlar menen sıylıqlanadı:
1-orın – 7 000 000 sum;
2-orın – 6 000 000 sum;
3-orın – 5 000 000 sum.
Qosımsha maǵlıwmatlardı instituttıń ziyrek studentlerdiń ilimiy-izertlew jumısların shólkemlestiriw bóliminen alıwıńız múmkin.
Maǵlıwmat ushın telefon: +998 90 653 31 78
Tańlaw ustavı hám bahalaw kriteriyasın júklep alıw.
NMPI baspasóz xızmeti.