Ájiniyaz atındaǵı Nókis mámleketlik pedagogikalıq institutı rektoratı hám kásiplik awqamı komiteti arasında dúzilgen jámáátlik shártnama sheńberinde ishki turizmdi rawajlandırıw, sonday-aq, institutta jumıs islep atırǵan pedagog hám texnikalıq xızmetkerler, bilim alıp atırǵan student-jaslardıń mádeniy demalısın joqarı dárejede ótkeriw maqsetinde Xorezm wálayatınıń Xiywa qalasına sayaxat shólkemlestirildi.

Sayaxat sheńberinde instituttıń «Tumaris» xalıq ansambli, «Sıy perde» hám «Tarannum» ansamblleriniń aǵzaları, muzıkalıq tálim baǵdarınıń birqatar talantlı student-jasları hám olardıń ustazları menen birgelikte ullı babamız Ájiniyaz Qosıbay ulınıń 200 jıllıǵı múnásibeti menen onıń bilim alǵan Xiywadaǵı Sherǵazıxan medresesinde mádeniy-aǵartıwshılıq ilaj ótkerildi.

Ilajda jaslar qaraqalpaq, ózbek, qazaq, túrkmen hám basqa da xalıqlardıń, sonıń menen birge, Ájiniyaz babamızdıń namalı qosıqların atqarıp, xiywalılar hám sırt elli sayaxatshılarǵa elimizdiń bay mádeniyatınan úlgiler kórsetti.

NMPI baspasóz xızmeti.