Ájiniyaz atındaǵı Nókis mámleketlik pedagogikalıq institutı Hayal-qızlar másláhát keńesi janındaǵı «Qızlarjan» klubınıń bas koordinatorı Z.Qurbaniyazova hám «Lider qızlar» klubı koordinatorları tárepinen «Qızlar hám liderlik» atamasındaǵı dógerek sáwbeti bolıp ótti.

Oǵan imeyjmeyker Shaxsánem Qaljanova, instituttıń qaraqalpaq tili kafedrasınıń tayanısh doktorantı Gúlxan Nurlıbekova hám «Úmit ushqını» kókirek belgisiniń iyesi, instituttıń Shet tilleri fakultetiniń studenti Gúlayım Erjanbaeva, sonday-aq, fakultetlerdiń belsendi student-qızları qatnastı.

Ilajda sózge shıqqanlar qızlardıń ilim menen shuǵıllanıwınıń mámleketlik hám jámiyetlik turmıstaǵı áhmiyeti, kiyiniw mádeniyatı, hayal-qızlardıń liderlik qábiletlerin qáliplestiriw boyınsha óz tájiriybeleri menen bólisip, jaslarǵa másláhátlerin berdi.

NMPI baspasóz xızmeti.