Ájiniyaz atındaǵı Nókis mámleketlik pedagogikalıq institutı korrupciyaǵa qarsı gúresiw «Komplaens qadaǵalaw» sistemasın basqarıw bólimi tárepinen 9-dekabr – Xalıqaralıq korrupciyaǵa qarsı gúresiw kúni múnásibeti menen student-jaslar arasında shıǵarmalar tańlawı shólkemlestirildi.

Oǵan barlıq fakultetlerden qábiletli jaslar qatnastı.

«Korrupciyaǵa qarsı gúresiw hápteligi» sheńberinde ótkerilip atırǵan tańlawda studentler korrupciya hám onıń aqıbetleri, mámleketimizde usınday unamsız jaǵdaylardıń aldın alıw baǵdarında ámelge asırılıp atırǵan reformalardıń ámeliy nátiyjeleri haqqında iyelegen bilim hám kónlikpeleri tiykarında shıǵarmalar jazdı.

Tańlaw jeńimpazları tiyisli tártipte sıylıqlanıwı belgilengen.

Institutta háptelik sheńberinde birqatar ilajlar dawam etpekte.

NMPI baspasóz xızmeti.