Búgin, 20-dekabr kúni Ájiniyaz atındaǵı Nókis mámleketlik pedagogikalıq institutında jámiyetlik keńestiń májilisi bolıp ótti.

Májiliske instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov, jámiyetlik keńes baslıǵı Qutlımurat Qoshanov hám xatkeri Bayrambay Gúlimbetov, keńes aǵzaları, sonday-aq, fakultetlerdiń jámiyetlik keńesleriniń aǵzaları qatnastı.

Atap ótilgenindey, 2018-jıl 4-iyul kúni Ózbekstan Respublikası Prezidentiniń «Mámleketlik uyımlar janında jámiyetlik jumıslardıń jumısın shólkemlestiriw ilajları haqqında»ǵı qararı tiykarında respublikamızdıń barlıq mámleketlik hám jámiyetlik shólkemleri janında jámiyetlik keńesler shólkemlestirilgen bolıp, keńes óz jumısın turaqlı túrde jámiyetlik tiykarda alıp baradı. Keńestiń qabıl etken qararları usınıs xarakterine iye boladı.

Qabıl etilip atırǵan normativlik-huqıqıy hújjetlerde institut máplerin qorǵaw, professor-oqıtıwshılar hám studentlerdiń huqıqların qorǵaw, oqıw procesin jetilistiriwge baǵdarlanǵan usınıslar islep shıǵıw, tarawǵa baylanıslı jámiyetlik xızmetler kórsetiw, jámiyetlik sheriklik sheńberinde ámelge asırılatuǵın kelisimler, shártnamalar, joybarlar hám baǵdarlamalardı júzege shıǵarıwda institut hám onıń juwapker shaxslarınıń jumısı ústinen jámiyetlik qadaǵalawdı ámelge asırıw jámiyetlik keńestiń tiykarǵı wazıypaları bolıp tabıladı.

Májiliste institut hám fakultetlerdegi jámiyetlik keńeslerdiń jumısların jetilistiriw boyınsha ámelge asırılatuǵın wazıypalar dodalanıp, pikir almasıwlar bolıp ótti.

NMPI baspasóz xızmeti.