Búgin, 20-dekabr kúni Qaraqalpaq mámleketlik jas tamashagóyler teatrında «Itibar-2024» sıylıǵın tapsırıwǵa arnalǵan saltanatlı ilaj bolıp ótti.

Ilajda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, jıynalǵanlardı qutlıqladı.

Saltanatlı ilajda elimizdiń sociallıq-ekonomikalıq hám jámiyetlik-siyasiy turmısında belsendilik kórsetken, xalqımızdıń abadan turmısın támiyinlew jolında nátiyjeli jumıs alıp barıp atırǵan hayal-qızlarımızdıń xızmetleri bahalanıp, olarǵa «Itibar-2024» sıylıǵı tapsırıldı.

Quwanıshlısı, ilajda Ájiniyaz atındaǵı Nókis mámleketlik pedagogikalıq institutı rektorınıń hayal-qızlar máseleleri boyınsha másláhátshisi Sayyora Bekchanova «Jıldıń eń belsendi rektor másláhátshisi» nominaciyası boyınsha «Itibar-2024» sıylıǵı menen sıylıqlandı.

Institutımız rektoratı hám miynet jámááti atınan Sayyora Bekchanovanı shın júrekten qutlıqlaymız hám aldaǵı mashaqatlı jáne maqtanıshlı jumıslarında tabıslar tileymiz!

NMPI baspasóz xızmeti.