Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakulteti mektepke shekemgi tárbiya hám defektologiya kafedrasınıń baslıǵı, pedagogika ilimleriniń kandidatı, docent Aynagúl Bekimbetovanıń ilimiy basshılıǵında «Mektepke shekemgi bilimlendiriw shólkemlerinde 3-7 jastaǵı balalar ushın qaraqalpaq xalıq ertekleri hám balalar qosıqları tiykarında multimedialı texnologiyalar jaratıw hám paydalanıw (Qaraqalpaqstan Respublikası MSHBSH mısalında)» atamasındaǵı ámeliy-ilimiy joybarı sheńberinde Moynaq rayonındaǵı 4-sanlı, Nókis rayonındaǵı 3-sanlı mektepke shekemgi bilimlendiriw shólkemlerinde usı rayonlardaǵı barlıq balalar baqshalarınıń metodistleri hám tárbiyashıları ushın seminar-treningler shólkemlestirildi.

Ótkerilgen seminarlarda joybar basshısı A.Bekimbetova, joybar aǵzaları R.Álewova, J.Ergalieva hám G.Djumabaevalar tárepinen tayarlanǵan «Qaraqalpaq xalıq ertekleri toplamı», «Qaraqalpaq xalıq balalar qosıqları toplamı»na kirgizilgen ertek jáne balalar qosıqlarınıń ilimiy hám tárbiyalıq áhmiyeti, mektepke shekemgi bilimlendiriw shólkemleriniń kishi, orta, úlken jastaǵı hám mektepke tayarlaw toparları ushın sáykesligi máseleleri talıqlandı.