Usı jıldıń 22-dekabr kúni Tashkent qalasında Ózbekstan mámleketlik konservatoriyasında Shermat Yormatov atındaǵı xalıqaralıq tańlaw-festivalı bolıp ótti.

Vokal, instrumental (sazendelik), xoreografiya, xor jámáátleri, súwretlew óneri (kórkem sızıw), kórkemlep oqıw, teatr sıyaqlı baǵdarlar boyınsha ótkerilgen tańlawǵa respublikamızdıń kóplegen talantlı jasları menen birge Qazaqstan, Qırǵızstan, Ázerbayjan hám basqa da mámleketlerden jaslar qatnastı.

Quwanıshlısı, usı xalıqaralıq tańlawda baqsıshılıq baǵdarı boyınsha qatnasqan Ájiniyaz atındaǵı Nókis mámleketlik pedagogikalıq institutı Pedagogika fakulteti muzıkalıq tálim baǵdarınıń 1-kurs studenti Erpolat Sharipov gran-pri jeńimpazı boldı.

Erpolat Sharipovtı xalıqaralıq tańlawǵa muzıkalıq tálim kafedrasınıń oqıtıwshısı Erkinay Orınbaeva tayarladı.

Institutımız rektoratı hám miynet jámááti atınan xalıqaralıq tańlaw-festivalda gran-pri jeńimpazı bolǵan studentimiz Erpolat Sharipov hám onıń ustazı Erkinay Orınbaevanı shın júrekten qutlıqlaymız!

NMPI baspasóz xızmeti.