Ájiniyaz atındaǵı Nókis mámleketlik pedagogikalıq institutında juwmaqlanıw aldında turǵan 2024-jıl dawamında ilimiy-pedagogikalıq, oqıw-tárbiyalıq baǵdarlarda, sonıń menen birge, kórkem óner, mádeniyat, ádebiyat, sport hám basqa da tarawlarda qolǵa kirgizilgen tabıslar, institutta júz bergen jańalanıwlar, joqarı bilimlendiriw tarawında ámelge asırılıp atırǵan reformalar hám olardıń nátiyjelerine arnalǵan baspasóz konferenciyası shólkemlestirildi.

Media ilaj dawamında Qaraqalpaqstan Respublikası Joqarǵı Keńesi málimleme xızmetiniń «Búgin» arnawlı joybarına kórsetiw hám «Jaslar TV» telekanalı ushın jıl juwmaqlarına arnalǵan kórsetiw súwretke alındı.

Jurnalistler ózlerin qızıqtırǵan sorawlar hám baǵdarlar boyınsha institut rektorı Quvondiq Qodirov hám basqa da juwapkerlerden juwaplar aldı.

Sonıń menen birge, ilaj sheńberinde institut rektorı hám Qaraqalpaqstan xabar agentliginiń sholıwshısı Gúlnara Turdıshovanıń intervyusi shólkemlestirildi.

NMPI baspasóz xızmeti.