Ájiniyaz atındaǵı Nókis mámleketlik pedagogikalıq institutı málimleme-resurs orayı ilimiy-metodikalıq maǵlıwmatlar bóliminiń baslıǵı Z.Qaynarovanıń baslaması menen «Jaqsılıq jırshısı» atamasındaǵı ádebiy keshe shólkemlestirildi.

Ádebiy keshe belgili lirik shayır, Berdaq atındaǵı mámleketlik sıylıqtıń laureatı Tólepbergen Mátmuratovtıń 85 jıllıǵına arnaldı.

Ilajda instituttıń oqıw-metodikalıq basqarmasınıń baslıǵı A.Abdiev, málimleme-resurs orayınıń direktorı G.Jiyemuratova sózge shıǵıp, jıynalǵanlardı jaqınlasıp kiyatırǵan jańa jıl menen qutlıqladı hám shayır Tólepbergen Mátmuratovtıń poeziyası, ómiri haqqında maǵlıwmat berdi.

Keshede Qaraqalpaqstan xalıq artisti D.Mámbetmuratov, Berdaq atındaǵı Qaraqalpaq ádebiyatı tariyxı mámleketlik muzeyiniń bólim baslıǵı R.Arziev, shayır Tólepbergen Mátmuratovtıń kelini Liza Mátmuratovalar miyman boldı.

Keshede shayırdıń ómiri hám dóretiwshiligi, shıǵarmalarınıń ádebiyatımız tariyxındaǵı tutqan ornı, qunlılıǵı, olardı keleshek áwladlarǵa jetkeriw sıyaqlı máseleler dodalanıp, nama qosıqları atqarıldı.

NMPI baspasóz xızmeti.