Ájiniyaz atındaǵı Nókis mámleketlik pedagogikalıq institutı biologiya qánigeliginiń 1-kurs magistrantı Jalalatdin Usnatdinov «Bolajaq alım» respublikalıq tańlawında «Mikro suw otların jetistiriw ushın innovaciyalıq fotobioreakt islep shıǵarıw» joybarı menen qatnasıp, jeńimpaz boldı.

Maǵlıwmat ornında atap ótiw kerek, «Bolajaq alım» respublikalıq tańlawı Ózbekstan Respublikası Ministrler Kabinetiniń «Ilimiy hám innovaciyalıq jumıs penen shuǵıllanıp atırǵan qábiletli jaslardı qollap-quwatlaw ilajları haqqında»ǵı qararı tiykarında Joqarı bilimlendiriw, ilim hám innovaciyalar ministrligi janındaǵı Innovaciyalıq rawajlanıw agentligi hám Jaslar akademiyası tárepinen shólkemlestirildi.

Tańlawdıń tiykarǵı maqseti jaslardıń ilimiy ideyaları hám startap joybarların qollap-quwatlawdan ibarat.

Institut rektoratı hám miynet jámááti atınan magistrantımız Jalalatdin Usnatdinovtı qolǵa kirgizgen tabısları menen shın júrekten qutlıqlaymız hám aldaǵı ilimiy-innovaciyalıq jumıslarında tabıslar tileymiz.

NMPI baspasóz xızmeti.