Ájiniyaz atındaǵı Nókis mámleketlik pedagogikalıq institutı hayal-qızlar másláhát keńesi tárepinen «Milliy kiyimler hápteligi» sheńberinde «Gózzallıq naǵıslar jilwasında» atamasında úgit-násiyat ilajı shólkemlestirildi.

Institut rektorınıń hayal-qızlar máseleleri boyınsha másláhátshisi Sayyora Bekchanova hám fakultet dekanlarınıń hayal-qızlar máseleleri boyınsha másláhátshileri, sonday-aq, belsendi fakultet dekanları hám olardıń orınbasarları usı ilajǵa milliy kiyimler menen belsene qatnasıp, qaraqalpaq, ózbek, qazaq, túrkmen hám basqa da xalıqlardıń milliy naǵısları menen bezetilgen kiyim-kenshekleri, qol óneri úlgileri haqqında óz ara maǵlıwmat almastı.

Sonıń menen birge, jańa jılda institutta hayal-qızlar arasında milliy úrp-ádetler, dástúrler, ata-babalarımızdan miyras bolıp kiyatırǵan tálim-tárbiya usılların ele de keń en jaydırıw, jaslar arasında milliyligimizdi bunnan bılay da úgit-násiyatlaw baǵdarındaǵı ámelge asırılatuǵın jumıslar belgilep alındı.

NMPI baspasóz xızmeti.