Institut fakultetleri hám kafedralarında tálim-tárbiyanıń sapasın arttırıwdıń áhmiyeti házirgi waqıtta ilim hám bilimlendiriw tarawındaǵı tabıslı rawajlanıwdıń tiykarǵı quramlıq bólegi bolıp tabıladı. Tálim-tárbiya sapasın arttırıw, birinshi gezekte, oqıw procesiniń nátiyjeliligin támiyinlew, studentlerge kerekli bilim hám kónlikpelerdi beriw, sonday-aq, olardı jámiyet hám ekonomikada belsene qatnasıwǵa tayarlawǵa xızmet etedi.

Búgin, 7-yanvar kúni Ájiniyaz atındaǵı Nókis mámleketlik pedagogikalıq institutı Baslawısh tálim hám Mektepke shekemgi tálim fakultetlerinde bolıp ótken prezentaciyalarda ótken 2024-jıl dawamında oqıw-tárbiyalıq hám ilimiy-pedagogikalıq baǵdarda islengen jumıslardıń nátiyjeleri menen birge 2025-jıldıń jol kartasında belgilengen wazıypalar keń túrde dodalandı.

Prezentaciya ilajlarında institut rektorı Quvondiq Qodirov hám barlıq prorektorlar, sonıń menen birge, bilimlendiriw sapasın qadaǵalaw bóliminiń wákilleri qatnasıp, dáslep kafedralardıń baslıqları, sońınan fakultetlerdiń dekanlarınıń kún tártibindegi máseleler boyınsha pikir-usınısların tıńladı.

NMPI baspasóz xızmeti.