Nókis jaslar texnoparkinde innovator jaslardıń baslamaların qollap-quwatlaw hám olardıń joybarların ámelge asırıwǵa kómeklesiw maqsetinde «InnoX» biznes inkubator baǵdarlamasınıń besinshi basqıshı óz juwmaǵına jetti.

Úsh ay dawam etken bul baǵdarlamada Ájiniyaz atındaǵı Nókis mámleketlik pedagogikalıq institutınıń barlıq fakultetlerindegi jaslar awqamı baslanǵısh shólkeminiń «Isbilermenlik hám innovaciyalar» baǵdarı koordinatorları, atap aytqanda, Tariyx fakultetinen Jasurbek Nurullaev hám Zuxratdin Azarov, Túrkiy tiller fakultetinen Nurqanat Saǵidullaev, Dene mádeniyatı fakultetinen Oralbay Qoyshıbaev, Mektepke shekemgi tálim fakultetinen Zebiniso Toirova, Fizika-matematika fakultetinen Shaxislam Qalbaev, Shet tilleri fakultetinen Uldáwlet Qalbaeva hám Pedagogika fakultetinen Mehriban Qulımbetovalar belsene qatnasıp, óz bilimlerin arttırdı hám innovaciyalıq joybarların islep shıqtı.

Baǵdarlama juwmaǵına bola, Pedagogika fakultetiniń koordinatorı Mehriban Qulımbetova «Eń jaqsı joybar iyesi» dep tabılıp, óz joybarın ámelge asırıw ushın 1 000 000 sum muǵdarında qarjılay sıylıqlandı.

Belsene qatnasqan barlıq studentlerge sertifikatlar hám sawǵalar tapsırıldı.

Jaslar awqamı baslanǵısh shólkeminiń «Isbilermenlik hám innovaciyalar» baǵdarı bas koordinatorı, Tariyx fakultetiniń studenti Jasurbek Nurullaev institut studentleriniń bul baǵdarlamada qatnasıwında ayrıqsha belsendilik kórsetti.

NMPI baspasóz xızmeti.