Búgin, 8-yanvar kúni Ájiniyaz atındaǵı Nókis mámleketlik pedagogikalıq institutında Túrkiy tiller fakulteti hám kafedraları tárepinen 2024-jılda jaslar tálim-tárbiyası, sonday-aq, ilimiy-pedagogikalıq baǵdarda ámelge asırılǵan jumıslar, sonıń menen birge, 2025-jıl ushın belgilengen wazıypalardı dodalawǵa arnalǵan májilis bolıp ótti.

Institut rektorı Q.Qodirov, barlıq prorektorlar, bilimlendiriw sapasın qadaǵalaw bóliminiń wákilleri hám fakultettiń pedagogikalıq jámááti qatnasıwında bolıp ótken ilajda kafedra baslıqları hám fakultet dekanı bilimlendiriw procesiniń sapası hám nátiyjeliligin arttırıw, ilimiy-izertlew hám innovaciyalıq jumıslardı rawajlandırıw, xalıqaralıq birge islesiw, ruwxıy-aǵartıwshılıq hám tárbiyalıq jumıslardı sistemalı jetilistiriw, instituttıń 2025-jıldaǵı jumısları boyınsha milliy reytingdi rawajlandırıwǵa baǵdarlanǵan ilajlardı ámelge asırıwda fakultetlerdiń úlesi boyınsha prezentaciya kórinisinde maǵlıwmatlar berdi.

Májiliste kórip shıǵılǵan máseleler boyınsha tiyisli wazıypalar belgilep alındı hám juwapkerlerge tapsırmalar berildi.

NMPI baspasóz xızmeti.