Búgin, 13-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov málimleme-resurs orayında bolıp, orayda jaratılǵan sharayatlar hám jumıs procesi menen tanıstı.

Oraydaǵı bólimler hám olardıń basshıları menen bolıp ótken ushırasıwda professor-oqıtıwshılar, studentler hám oraydıń xızmetlerinen paydalanatuǵın puqaralar ushın qolaylıqlar jaratıw maqsetinde házirgi waqıtta instituttıń 2-sanlı oqıw imaratında jumıs islep atırǵan oraydıń tiyisli bólimlerin instituttıń bas imaratına jaylastırıw, jumıs procesin jetilistiriw boyınsha pikir-usınıslar bildirildi.

Rektor málimleme-resurs orayınıń kitaplar fondı, elektron hám oqıw zalların kózden ótkerip, instituttıń bas imaratınan qosımsha bólmelerdi ajıratıw boyınsha juwapkerlerge tiyisli tapsımalardı berdi.

Sonday-aq, úyreniwler barısında instituttıń 2-sanlı oqıw imaratın rekonstrukciyalaw, institut tipografiyasınıń jumıs nátiyjeliligin arttırıw boyınsha ámelge asırılatuǵın jumıslar belgilep alındı.

Ilajǵa oqıw isleri hám qarjı ekonomika boyınsha prorektorlar, oraydıń juwapker basshıları qatnastı.

NMPI baspasóz xızmeti.