Ájiniyaz atındaǵı Nókis mámleketlik pedagogikalıq institutında «Bilimlendiriw mákemelerinde jaslar arasında psixoaktiv elementlerdiń nızamǵa qayshı aylanısına qarsı gúresiw jumısların shólkemlestiriw mexanizmleri» atamasındaǵı metodikalıq qollanba hám onıń mazmunı boyınsha ushırasıw bolıp ótti.

Ushırasıwǵa instituttıń jaslar máseleleri, ruwxıylıq hám aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov, Qaraqalpaqstan Respublikası Ishki isler ministrliginiń juwaplı xızmetkeri Allayar Ismayılov, fakultet dekanlarınıń jaslar menen islesiw boyınsha orınbasarları hám tyutorlar qatnastı.

Ilajda Ishki isler ministrligi qánigesi jaslar arasında psixotrop zatlardan paydalanıw jaǵdayları jıl sayın artıp atırǵanı, bunıń sociallıq hám fizikalıq aqıbetleri haqqında maǵlıwmat berip, kún tártibindegi másele boyınsha jaslar arasında tiyisli úgit-násiyat hám túsindiriw jumısların ámelge asırıw ushın islep shıǵılǵan metodikalıq qollanbanıń mazmunı, ondaǵı áhmiyetli baǵdarlar haqqında keń túrde maǵlıwmat berdi.

Bul metodikalıq qollanbanı tyutorlar hám tiyisli juwapkerlerge tarqatıw boyınsha wazıypalar belgilendi.

NMPI baspasóz xızmeti.