Nızamshılıqqa bola (PF-81, 24.05.2024-j.) 2025-2026-oqıw jılı qabıllawınan baslap pánler kompleksinde shet tili birinshi pán sıpatında belgilengen tálim baǵdarlarına qabıllaw shet tilin biliw dárejesin belgileytuǵın milliy yamasa xalıqaralıq sertifikat tiykarında ámelge asırıladı.

Bunda pánler kompleksinde shet tili birinshi pán sıpatında belgilengen tálim baǵdarlarına qabıllawda usı pánnen test sınaǵı ótkerilmeydi. Abiturientler belgilengen dárejedegi sertifikattı usınıwı shárt.

2025-2026-oqıw jılı ushın respublikalıq joqarı oqıw orınlarınıń tálim baǵdarları dizimi hám olarǵa sáykes test sınaǵı (kásiplik (dóretiwshilik) imtixan) tapsırılatuǵın pánler kompleksine muwapıq shet tili birinshi pán sıpatında belgilengen tálim baǵdarlarınıń dizimi joqarıdaǵı súwrette kórsetilgen.

Dıqqat qaratıń! 1-pán sıpatında anıq kórsetilgen inglis, nemis hám francuz tillerinen usı pán boyınsha, al 1-pán «Shet tili» dep kórsetilgen tálim baǵdarlarına bolsa, bakalavriat tálim baǵdarları ushın tastıyıqlanǵan shet tillerin biliw dárejesin belgileytuǵın milliy hám xalıqaralıq sertifikatlardıń birin usınıw talap etiledi.

Tastıyıqlanǵan sertifikatlar dizimi USÍ JERDE.