Usı jıldıń 8-fevral kúni Ájiniyaz atındaǵı Nókis mámleketlik pedagogikalıq institutında studentlerdiń bos waqıtların mazmunlı ótkeriw, qábiletli, ziyrek jaslardı anıqlaw, olardıń ruwxıy dúnyasın bayıtıw hám talantlı jaslardı xoshametlew maqsetinde fakultetler arasında «Quwnaqlar hám ziyrekler» tańlawınıń final basqıshı ótkeriledi.

Finalda tańlawdıń birinshi basqıshında jeńimpaz dep tabılǵan hám finalǵa jollama alǵan tómendegi komandalar qatnasadı:

Dene mádeniyatı fakultetiniń «Zamdekannıń balaları»;
Shet tilleri fakultetiniń «Interfak»;
Mektepke shekemgi tálim fakultetiniń «Qarekeńniń qızları»;
Tariyx fakultetiniń «Wa-ha-ha»;
Baslawısh tálim fakultetiniń «Baslawıshtıń juldızları»;
Pedagogika fakultetiniń «Dembermes» komandaları.

Final basqıshında qatnasıwshılar ulıwma 2 shárt: «Mınaw ne degen imkaniyat» atamasındaǵı tanıstırıw hám «Juldızlı kórinis» shártleri tiykarında óz saxnalıq sheberliklerin kórsetedi.

Tańlaw juwmaǵında jeńimpazlar hám sıylı orın iyeleri shólkemlestiriwshiler tárepinen dárejeli diplomlar hám tómendegi kórsetilgen muǵdarda qarjılay sıylıqlanadı:

1-orın – hár bir komanda aǵzası bazalıq stipendiya muǵdarınıń 3 esesi;
2-orın – hár bir komanda aǵzası bazalıq stipendiya muǵdarınıń 2 esesi;
3-orın – hár bir komanda aǵzası bazalıq stipendiya muǵdarınıń 1 esesi.

«Quwnaqlar hám ziyrekler» tańlawınıń final basqıshına bársheńizdi mirát etemiz.

NMPI baspasóz xızmeti.