Búgin, 22-yanvar kúni Ájiniyaz atındaǵı Nókis mámleketlik pedagogikalıq institutında elimiz boylap ótkerilip atırǵan «Basshı hám jaslar» ushırasıwları sheńberinde paytaxtımızdaǵı ulıwma bilim beriw mektepleriniń pitkeriwshi klass oqıwshıları hám máhállelerdegi jaslar qatnasıwında ushırasıw bolıp ótti.

Ilaj elimiz qábiletli jaslarınıń innovaciyalıq ideyaları, robototexnika hám injenerlik boyınsha islenbeleriniń kórgizbesi menen baslandı.

Ushırasıwǵa Tashkent qalasındaǵı Turin politexnika universitetiniń rektorı Olimjon Tuychiev, Qaraqalpaqstan Respublikası Mektepke shekemgi hám mektep bilimlendiriw ministrligi, Nókis qalası hákimliginiń juwapker wákilleri qatnastı.

Ushırasıwda Turin politexnika universitetiniń rektorı sózge shıǵıp, elimizde jaslardıń bilim alıwı, kásip-óner úyreniwi, óz qábiletlerin júzege shıǵarıwı ushın jaratılǵan sharayatlar, joqarı bilimlendiriw sistemasında ámelge asırılıp atırǵan reformalar haqqında sóz etip, xalıq xojalıǵı hám óndiriske tájiriybeli injener qánigelerdi jetistirip shıǵarıp atırǵan Turin politexnika universiteti tuwralı tolıq maǵlıwmatlar berdi.

Ilaj soraw-juwaplar menen dawam etti.

NMPI baspasóz xızmeti.