Búgin, 6-fevral kúni Ájiniyaz atındaǵı Nókis mámleketlik pedagogikalıq institutı Keńesiniń gezektegi májilisi bolıp ótti.

Májilisti institut rektorı Quvondiq Qodirov basqarıp bardı.

Májilis basında rektor Ózbekstan Respublikası Joqarǵı attestaciyalıq komissiyası tárepinen professor hám docent ilimiy ataqlarına iye bolǵan professor-oqıtıwshılarǵa tiyisli attestatların, sonday-aq, ilimiy jumısların tabıslı qorǵap, ilimiy dárejege iye bolǵan oqıtıwshılarǵa diplomların tapsırdı hám olardı qutlıqlap, aldaǵı ilimiy-pedagogikalıq jumıslarında tabıslar tiledi.

Bunnan soń Keńes májilisi kún tártibindegi Ózbekstan Respublikası Prezidenti Administraciyası hám Ózbekstan Respublikası Joqarı bilimlendiriw, ilim hám innovaciyalar ministri, sonday-aq, Qaraqalpaqstan Respublikası Joqarǵı Keńesi baslıǵınıń 2025-jılda instituttı hár tárepleme rawajlandırıwǵa baǵdarlanǵan Jol kartalarınıń tastıyıqlanǵanlıǵı hám alda turǵan wazıypalar, tańlaw jumısları, professor-oqıtıwshılardıń sabaqlardı ótiw sapası hám KPI sistemasın engiziw, 2025-jılda institutqa tayanısh doktorantura (PhD) hám stajyor-izleniwshilikke oqıwǵa qabıl etilgen izleniwshilerdiń teoriyalıq-metodologiyalıq oqıw baǵdarlamaları, jeke is-rejeleri, dissertaciya temaları hám ilimiy basshıların tastıyıqlaw, Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı, orta arnawlı hám professional bilimlendiriw baǵdarları boyınsha oqıw-metodikalıq birlespeler xızmetin Muwapıqlastırıwshı keńesine oqıw ádebiyatların usınıw, ilimiy ataqlarǵa talaban bolǵan institut professor-oqıtıwshılarınıń hújjetlerin Joqarı attestaciyalıq komissiyasına usınıw, sonday-aq, aǵımdaǵı máseleler kórip shıǵılıp, tiyisli qararlar qabıl etildi.

NMPI baspasóz xızmeti.