Búgin, 11-fevral kúni Ájiniyaz atındaǵı Nókis mámleketlik pedagogikalıq institutında Ózbekstan Kásiplik awqamları Federaciyası Balalardıń demalısın hám salamatlastırılıwın shólkemlestiriw departamentiniń Qaraqalpaqstan Respublikası basqarmasınıń wákilleri hám belsendi studentlerdiń ushırasıwı bolıp ótti.

Ushırasıwda basqamanıń tiyisli juwapker qánigeleri mektep demalısı dáwirinde balalardıń demalısın nátiyjeli, mazmunlı hám qızıqlı etip ótkeriw, olardı salamatlastırıw, hár tárepleme jetik insan etip tárbiyalaw, jaslardıń potencialı hám talantların rawajlandırıwdıń áhmiyeti joqarı ekenligin atap ótti.

Sonday-aq, respublikamızdıń Moynaq, Ellikqala, Tórtkúl, Taqıyatas rayonları hám Nókis qalasında jumıs alıp barıp atırǵan demalıw lagerlerinde studentlerdiń bántligin támiyinlew hám bul arqalı olardıń qosımsha dáramat tabıwı jáne ámeliy kónlikpelerge iye bolıwı múmkinligi haqqında maǵlıwmatlar berdi.

Ushırasıwda studentler ózlerin qızıqtırǵan sorawlarǵa juwap aldı.

NMPI baspasóz xızmeti.