Ájiniyaz atındaǵı Nókis mámleketlik pedagogikalıq institutında student-jaslardıń bos waqıtların mazmunlı ótkeriw, sonday-aq, «Bes baslama olimpiadası», «Studentler ligası» sıyaqlı sport jarısları ushın instituttıń saylandı komandasına rezerv sportshılardı anıqlaw maqsetinde fakultetler arasında birneshe sport túrlerinen jarıslar shólkemlestirilmekte.

Institut sport klubı tárepinen hár bir sport túri boyınsha ótkeriletuǵın jarıslar kestesi islep shıǵılıp, shólkemlestiriw jumısları alıp barıldı.

Dáslepki jarıslar «aqıl gimnastikası» esaplanǵan shaxmat boyınsha bolıp ótti.

Jarısqa instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov qatnasıp, institutta jaslardı sport hám salamatlıq ilajlarına keńnen qamtıw, olar arasında salamat turmıs tárizin úgit-násiyatlaw baǵdarında ámelge asırılıp atırǵan jumıslar haqqında maǵlıwmat berdi hám barlıq qatnasıwshılarǵa áwmet tiledi.

Jarıs juwmaǵında jeńimpazlar hám sıylı orın iyeleri anıqlanıp, institut sport klubı tárepinen sıylıqlandı.

NMPI baspasóz xızmeti.