Ájiniyaz atındaǵı Nókis mámleketlik pedagogikalıq institutında student-jaslardıń bos waqıtların mazmunlı ótkeriw hám intellektuallıq dárejesin arttırıw maqsetinde ótken jıldıń oktyabr ayınan baslap hápteniń háp shiyshembi kúni fakultetler arasında sinxron tárizde «Ziyalı jaslar CUP» turniriniń dáslepki máwsimi ótkerildi.

Ulıwma 9 turdan ibarat bolǵan turnirge instituttıń barlıq fakultetlerinen 211 komanda hám 1300 ge shamalas studentler qatnastı.

Turnir juwmaǵında:

1-orındı «Ózbek Lageryofları» (Túrkiy tiller fakulteti);
2-orındı «Alfa» (Fizika-matematika fakulteti);
3-orındı «Mensa» (Túrkiy tiller fakulteti);
4-orındı «Pentagon» (Tariyx fakulteti) komandaları iyeledi.

Jeńimpazlar hám sıylı orın iyeleri institut rektoratı hám kásiplik awqamı komiteti atınan sıylıqlandı.

Sonday-aq, turnirdi shólkemlestiriwde belsendilik kórsetken koordinatorlarǵa minnetdarshılıq xatları tapsırıldı.

NMPI baspasóz xızmeti.