Ájiniyaz atındaǵı Nókis mámleketlik pedagogikalıq institutı ziyrek studentlerdiń ilimiy-izertlew jumısların shólkemlestiriw bólimi tárepinen qızıǵıwshı student-jaslar qatnasıwında úgit-násiyat hám túsindiriw jumısları alıp barıldı.

Ilajda bólim baslıǵı Q.Tashanov institut studentleri ushın shólkemlestirilgen Ájiniyaz Qosıbay ulı atındaǵı, sonday-aq, Ózbekstan Respublikası Prezidenti hám ataqlı mámleketlik stipendiyalar tańlawları, Joqarı bilimlendiriw, ilim hám innovaciyalar ministrligi, sonday-aq, basqa da mákeme-shólkemler tárepinen jaslardıń innovaciyalıq ideyaları, startap joybarların qollap-quwatlaw maqsetinde shólkemlestirilip atırǵan respublikalıq tańlawlar haqqında maǵlıwmatlar berdi.

Ótkerilgen úgit-násiyat ilajlarında ataqlı mámleketlik stipendiyalar hám respublikalıq innovaciyalıq-texnologiyalıq tańlawlarda jeńimpaz bolǵan studentler hám magistrantlar jaslarǵa ilimiy maqalalar hám tezisler jazıw, tańlawlar haqqında maǵlıwmat alıw, olarǵa qatnasıw, startap joybarlardı islep shıǵıw boyınsha óz tájiriybeleri menen bólisti.