Ájiniyaz atındaǵı Nókis mámleketlik pedagogikalıq institutı Tariyx fakultetinde Ózbekstan Respublikasınıń «Hákimshilik reformalar sheńberinde bilimlendiriw tarawında mámleketlik basqarıwdı jetilistiriw múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kirgiziw haqqında»ǵı Nızamınıń mazmunı hám áhmiyetin túsindiriwge arnalǵan ushırasıw bolıp ótti.

Ilajǵa fakultet dekanınıń orınbasarı D.Reymov, milliy ideya, ruwxıylıq tiykarları hám huqıq tálimi kafedrasınıń professorı T.Qudaybergenova, usı kafedra baslıǵı wazıypasın waqıtsha atqarıwshısı Sh.Tanimov, professor-oqıtıwshılar, tyutorlar hám studentler qatnastı.

Ushırasıwda professor T.Qudaybergenova sózge shıǵıp, sońǵı jıllarda mámleketimizde ámelge asırılıp atırǵan hákimshilik reformalar sheńberinde joqarı bilimlendiriw, ilim hám innovaciyalar, mektepke shekemgi hám mektep bilimlendiriwi tarawlarında mámleketlik basqarıw sisteması jetilistirilip atırǵanlıǵı, usı tarawlardaǵı bir qatar respublikalıq atqarıwshı hákimiyat uyımları jumıslarınıń baslı baǵdarları belgilep berilgenligin atap ótti.

Qatnasıwshılarǵa Nızam tiykarında kirgizilip atırǵan ózgeris hám qosımshalar haqqında tolıq maǵlıwmatlar berildi.