Ájiniyaz atındaǵı Nókis mámleketlik pedagogikalıq institutında Respublikalıq jas óspirimler dispanseriniń bas shıpakeri Tayır Dalimbetov hám jaslar tálim-tárbiyasına juwapker qánigeler qatnasıwında ushırasıw bolıp ótti.

Úgit-násiyat tárizinde ótkerilgen ushırasıwda dispanser bas shıpakeri fakultet dekanlarınıń orınbasarları, tyutorlar hám basqa da juwapkerlerge dispanserde student-jaslardıń densawlıǵın saqlaw, olarda keselliklerge shatılıwdıń aldın alıw, óz waqtında emlew hám medicinalıq sharalar kóriw boyınsha jaratılǵan sharayatlar haqqında maǵlıwmat berdi.

Sonday-aq, sońǵı waqıtlarda hár qıylı jeke menshik medicinalıq shólkemler tárepinen studentlerdiń densawlıǵı menen baylanıslı hár qıylı tiykarlanbaǵan hújjetlerdiń de berilip atırǵanın atap ótip, birinshi gezekte, jaslardıń salamatlıǵı barlıǵınan da joqarı ekenligi, bunday jaǵdaylarda birgelikte ámelge asırılatuǵın jumıslar áhmiyetli ekenligine toqtaldı.