Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Kámbaǵallıqtı qısqartıw hám bántlik ministrliginiń juwapker qánigeleri menen ushırasıw bolıp ótti.

Ushırasıwda Kegeyli rayonlıq Kámbaǵallıqtı qısqartıw hám bántlik bólimi mámleketlik miynet huqıqı boyınsha inspektorı B.Asqarov institut professor-oqıtıwshıları, fakultet dekanlarınıń orınbasarları, tyutorlar hám basqa da xızmetkerlerine adamlar, sonıń ishinde, erjetpegenler qatnasıwında balalar miynetiniń aldın alıw, olardıń unamsız aqıbetleri haqqında túsinik jumısların alıp bardı.

Ilajda mámleketlik miynet huqıqı boyınsha inspektor házirgi waqıtta mámleketimizde insan huqıqları, ásirese, puqaralardıń miynet huqıqların támiyinlew baǵdarındaǵı islenip atırǵan jumıslar haqqında maǵlıwmatlar berdi.