Ájiniyaz atındaǵı Nókis mámleketlik pedagogikalıq institutında student-jaslardıń teatr ónerine bolǵan qızıǵıwshılıǵın arttırıw hám ruwxıy jetiklikke baǵdarlaw arqalı ámelge asırılıp atırǵan mádeniy-aǵartıwshılıq jumıslardıń nátiyjeliligin jetilistiriw jáne talantlı jaslarǵa óz imkaniyatların júzege shıǵarıw ushın sharayat jaratıw, sonday-aq, olardı xoshametlew maqsetinde «Studentler teatr studiyaları festivalı» shólkemlestirildi.

Festivalǵa instituttıń barlıq fakultetlerinen komandalar qatnaspaqta.

Búgin, 25-fevral – festivaldıń birinshi kúninde Baslawısh tálim fakulteti «Qarańǵılıqtan jarıqlıqqa qaray», Tariyx fakulteti «Ómir soqpaqları», Pedagogika fakulteti «Shańaraq – baxıttıń baslawı», Fizika-matematika fakulteti «Doslıq dármanı», Túrkiy tiller fakulteti «Sóngen juldız» atamasındaǵı saxnalıq kórinislerdi tamashagóyler hám tóreshiler quramı aǵzalarınıń názerine usındı.

«Studentler teatr studiyaları festivalı»nıń ekinshi kúni 26-fevral kúni dawam etedi.

Festival juwmaqları boyınsha qosımsha maǵlıwmat járiyalanadı.

NMPI baspasóz xızmeti.